Кафедра тарихы

Кафедра: тарихтан қазіргі дәуірге

БҚМУ-дың Қазақстан тарихы кафедрасы 2000 жылы наурыз айында  1991 жылы құрылған ОПИ-дың «Қазақстан тарихы» (каф.меңг. т.ғ.д., проф. Т.З.Рысбеков), соңынан бір атаумен аталған бұрынғы А.С.Пушкин атындағы БҚГУ, БҚАУ және Дәулеткерей атындағы Өнер институты кафедраларының негізінде құрылды. 
Кафедра құрамында 24 оқытушы, оның ішінде 3 профессор, 5 доцент, 3 кандидат,  2 аға оқытушы, 11 оқытушы, 1 аға зертханашы, 1 зертханашы қызмет етті. Кафедра тарих мамандықтарында 10-ға жуық мамандандырылған пәндермен және мемлекеттік университетте барлық  мамандықтарда Қазақстан тарихы пәнін жүргізеді. 
Кафедра ұжымының негізгі салалы бағыты ретінде болашақ мамандарды тарихи біліммен қаруландыру, студенттерді патриотизм мен гуманизмге тәрбиелеу; педагогикалық әрі ғылыми кадрларды жаңашыл шығармашылық бағытта жұмыстандыру; орта мектеп мұғалімдеріне Қазақстан тарихынан және оны оқыту мәселелерінен көмек көрсету болып табылады. Кафедраның мақсаты: «Тарих», «Экономика және құқық негіздері» мамандықтары бойынша орыс және қазақ тілдерінде жоғарғы кәсіби мамандарды даярлаудың оқу-тәрбие жұмысын ұйымдастыру.
Кафедрада 07.00.02 – Отандық тарих (Қазақстан тарихы) мамандығы бойынша ғылыми мамандарды дайындау аспирантурасы қызмет етеді. 1999 жылы БҚМУ-дың диссертациялық кеңесінде (К14.44.04.) С.Б.Құрманалин «1847-1858 ж.ж. Есет Көтібарұлы бастаған ұлт-азаттық көтеріліс», ал 2000 жылы Г.Б.Сүлейменова «Батыс Қазақстанның мәдени өмірі: тәжірибе және мәселелер (1946-1985)» атты тақырыптарда кандидаттық  диссертацияларын қорғады. 
Кафедра оқытушылардың кәсіби біліктілігін арттыру бағытында еліміздегі жетекші              ЖОО-мен және ғылыми мекемелермен тығыз байланысты қолдайды. Соның нәтижесінде                 2001 жылы Ш.Уәлиханов атындағы Тарих және этнология институтында Ж.Т.Ерназаровтың «Этнобелгілердің қазақ салт-дәстүрлеріндегі қызметі (этномәдени аспектілер)» атты кандидаттық диссертациясы қорғалды. 
2003 жылы 4 сәуірде ҚР ЖАК-тың шешімімен университетте диссертациялық кеңесті жаңа жүйеге лайықтап, 07.00.02 – Отандық тарих мамандығы бойынша қайта құрды. 
2006 жылдан бастап  ҚР ЖАК-тың шешімімен университетте 07.00.02 – Отандық тарих мамандығы бойынша  14.61.26 БД  докторлық диссертация қорғау Кеңес болып қайта ашылды.  
Кафедра жанында сонымен қатар  2003 жылдан бастап 6N0203 - тарих мамандығы бойынша  магистратура жұмыс істейді.  Оның алғашқы түлегі А.М. Балықова «Батыс Қазақстанның қала тұрғындары (1926-1989 ж.ж)» атты магистрлық диссертациясын 2005 жылы сәтті қорғады.


Кафедраның жалпы ғылыми тақырыбы – «Батыс Қазақстан аймағының тарихы мен мәдениеті». Сондай-ақ мұнда оқытушылардың ғылыми-әдістемелік жұмыстарының нәтижелерін де талдайтын ғылыми-әдістемелік кеңес те өз жұмысын тұрақты жүргізеді. Оқытушы-профессорлар құрамы жылма-жыл ғылыми конференцияларға қатынасады. Осы уақыт аралығында әр түрлі баспа беттерінде 40-тан астам ғылыми мақалалар, 10-ға жуық оқу-әдістемелік құралдар жарыққа шықты. Атап айтқанда, 2001 жылы өлкеміздің жетекші тарихшылары академик Т.З.Рысбеков, проф. Б.К.Бірімжаров, М.С.Сдықовтардың «Бөкей орда тарихы», доцент И.Н.Кенжалиевтің «Батыс Қазақстанның қасіретті жылдары (1916-1920ж.ж.)», «Бөкей Орда»  (2000-2001ж.ж.) деген 2 монографиясы жарияланды.  
Кафедра  студенттермен тығыз ғылыми байланыс ұстап, ғылыми үйірмелер жұмыс істеуде. Қазақстан  тарихының  өзекті мәселелеріне арналған «Мұрагер», қазақ мәдениетіне қатысты «Шежіре», этнографиялық бағытта «Этнолог», археология мәселесіне қатысты «Археолог» үйірмелері жұмыс істейді.  
Тарих мамандығында оқитын барлық студенттер кредиттік жүйе бойынша оқиды.  Студенттердің негізгі алға қойған мақсаты: жоғарғы деңгейдегі бәсекеге қабілетті маман иесі болу.